Gizon Taldeak bigarren topaketa bat antolatu du urtarrilaren 16an egindako saioaren jarraipen gisa. Ekimenaren balorazioa positiboa izan zen aurrekoan; hamabi gizonezko elkartu ziren.
Topaketan, aldaketa pertsonaletik, kontzientzia berri bat sortzea dute helburu, aldaketa sozialaren aurrean gizonen eta emakumeen arteko harreman mota berrien bila, eta, bide batez, gizon izateko, maskulinitatea sentitzeko eta bizitzeko modu berri edo ezberdinak aztertuta.
Aurreko saioan Ritxar Bacete Gonzalez eta Juanma Feito aritu ziren hezitzaile edo dinamizatzaile lanetan. Bi hauek ekimenak lantzen dituen gaietan adituak dira eta Juanma Feito kide den Piper Txuriak elkarteak Bizkaiko Foru Aldundiaren saria jaso zuen (2016ko Zirgari sariak) gizonen eta emakumeen arteko berdintasunaren aldeko lanagatik.