Bihar, urtarrilak 19, Maravillas gaztetxeari babesa adierazteko manifestazioa egingo da Iruñean eta, Arrasateko Euskal Herrian Euskaraz-ek deituta talde argazkia atera dute Jai Zale tabernan. Izan ere, laugarren urteurreneko ospakizunetan murgilduta dabiltza eta ezingo direnez biharko manifestazioan egon, modu horretara adierazi gura izan diote elkartasuna gaztetxeari. Autobusak antolatu dituzte Iruñera joateko, Oñatin, Bergaran eta Arrasaten.
"Talde argazkia ateratzearena keinu bat da, erabaki politiko batzuen ondorioz oztopatu gura duten proiektu autogestionatu bati begira", adierazi dio GOIENAri EHEko Danel Etxagibelek.
Laugarren urteurreneko ospakizunak Jai Zalen
Asteburu honetan askotariko ospakizunak izango dituzte Arrasaten "euskararendako arnasgune" bihurtu den Jai Zale tabernan. "Askorik pentsatu gabe, Arrasaten euskararendako txoko bat sortzea genuelako helburu, abiatu genuen proiektu hau. Ederrak izan dira bizitako lau urteak, lan handia eskatu dutenak, baina bada garaia beste fase bati abiatzeko; esku onetan uzten dugu Jai Zale, euskararentzat arnasgune izaten jarraituko duela jakinda", gaineratu du Etxagibelek.
Bihar, urtarrilak 19, Uxue Alberdiren eta Sustrai Colinaren eskutik bertso saioa izango dute (12:30) eta gero bazkaria izango dute, besteak beste.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
