Egindako lana aitortu diete 2018 Garaia Sarietan Onenpro eta Diseimedia enpresei

Onenpro enpresako Mikel Hernandok eta Asier Varak eta Diseimedia publizitate agentziako (Bi-Komunikazioa) Bego Goitiak eta Irune Mateok jaso dituzte 2018ko Garaia Sariak. Hainbat balio aitortu dizkiete horiei, besteak beste, borondatea, esfortzua, ahalegina, eta batez ere, ilusioa, "horiek guztiak ezinbestekoak direlako enpresa proiektu berriak sortzeko eta garatzeko".

Garaia Sariak ibilbide luzea ez izan arren, dagoeneko errotu direla adierazi dute antolatzaileek: "Horren bidez pertsonen eta enpresen lana eta
jarduera errekonozitu nahi da, Garaia ekosistema aktibo eta ekintzaile bihurtzen dutelako".

Software ingeniaritzan eta Interneteko teknologietan espezializatutako enpresa da Onenpro, eta ekintzailetzan egindako ibilbidea aitortu zitzaion Onenpro enpresari. Lanean "nekaezinak" izatea nabarmendu zuen Saiolan SAko Angel Mari Etxabek. 

Diseimedia enpresari, ostera, inplikazioa eta enpresen arteko elkarlana aitortu diote: "Komunikazio profesionala eta sormenezkoa eskaintzen du, tratu pertsonalizatu baten bitartez, eta irtenbide errealistak proposatzen ditu, negozio zehatz bakoitzaren beharretara egokituta".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.