Gabonetako opor egunak atzean utzita, Arrasateko eskubaloi taldekoek bigarren itzuliko lehen neurketa izango dute igandean, 11:30ean, Iturripen. Aurkaria Gasteizko Corazonistas taldea izango da. Lehen itzulian hiru goletako diferentziaz galdu zuten arrasatearrek eta, gaur egun, taula erdian aurkari zuzena dela kontuan hartuta, garrantzi berezia izan dezake partiduak, bai garaipenarengatik eta baita gol diferentziarengatik ere.
Azken partiduan Aloña Mendiren aurkako derbian galtzaile irten baziren ere, behetik gora dator Patxi Garciaren taldea. Azken zortzi partiduetatik sei irabazteko kapaz izan dira.