Pasa den asteburuan, selekzioen arteko Espainiako Txapelketa jokatu zen Huelvan eta bertan izan ziren Ointxe!-ko zazpi jokalari. Mutilen kadete mailan, berezi mailan mantentzea lortu zuten Julen Lorentzok eta Aitzol Lagunillak. Lorpen bera eskuratu zuten kadete nesketan Maider Castellanok eta Sonia Peredak. Infantil neskek ere maila berean jokatuko dute hurrengo urtean, Garazi Agirrek eta Areskoko June Guenetxeak lortutakoari esker. Infantil mutiletan, parte hartu dute Markel Errastik eta Lander Agirrek.