40 urtetik gora daramatza Arrasateko Debagoiena Zikloturista Klubak bizikleta maite dutenak elkartzen, eta helburu horrekin jarraitzeko asmoz dago kluba. Horregatik, bertako bazkide izateko epea zabaldu berri du. Epe hori urtarrilaren 14tik 18ra izango da, eta, horretarako, klubak Ignazio Zuloaga kalean daukan lokaletik pasa beharko da, arratsaldeko zazpietatik zortzietara.
Bazkide ez direnek ere bertatik pasatzeko aukera izango dute zikloturista lizentzia egin ahal izateko, klubekoak ez diren zikloturisten lizentziak ere bideratuko dituzte-eta Debagoiena Zikloturista Klubetik.