Datorren zapatuan, Bilboko kaleetan, manifestazio nazionala egingo du Sare plataformak, eta arrasatearrak hasi dira motorrak berotzen. Eguerdian, Herriko Plazan batu dira talde argazkia ateratzeko, eta Bilbora joateko autobus txartelak jada erosi daitezke Irati, Monte eta Jai-Zale tabernetan.
Goizez edo arratsaldez joateko autobusak antolatu dituzte. Goizekoa 11:00etan abiatuko da Garibaitik, eta arratsaldekoa, aldiz, 15:30ean. Irati eta Jai-Zale tabernetan goiz zein arratsaldeko txartelak jarri dituzte salgai, eta Monten, aldiz, bakarrik arratsaldekoak. Txartelen prezioa; 10 euro.