Abokatu arrasatearra izan da 2019ko maiatzeko Udal hauteskundeetarako parte hartze prozesutik atera den hautagaia bakarra. Eneko Barberenaren lekukoa hartuko du, eta asteazken arratsaldean egingo dute aurkezpen ekitaldia, 18:30ean, Garagartzako Arteaga jatetxean.
Maider Morras Azpiazu (Arrasate, 1976) abokatua da ikasketaz, UPV-EHUn lizentziatu zen, eta bestelako formazio esanguratsuen artean Bitartekaritza Familiarreko Gradu-ondoa burutu zuen 2004-2005 ikasturtean UPV-EHUn.
Ofizioz ere abokatua da eta 2004tik hona bulego propioa du Arrasaten. UPV- EHUko Zuzenbide Fakultatean ere irakasle izana da hainbat ikasturtetan zehar irakasgai ezberdinak irakatsiz.
Amaitzeko, esperientzia politikoari dagokionez, zinegotzi izana da Arrasateko Udalean Bildu alderdiaren eskutik 2011-2015 legealdian eta bozeramale izateaz gain Pertsonal zein Berdintasun sailen ardura izan zuen bere gain.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
