Proposamen botatuena
Eguraldi txarra egiten duenean, erdigunean, batez ere, haurrekin jolasteko leku gutxi daudela aldarrikatu izan dute Arrasateko gurasoek. Gaztetxearen baitan sortutako Guraso eta Haur Asanbladaren eskarietako bat ere horixe zen eta proposamen botatuena, 643 punturekin, Txikitxokoa sortzearena izan zen.
Oinarrizko elementuez osatutako Txikitxokoa
Hasiera batean, 0 eta 6 urte arteko haurrak dituzten familiei zuzendutako aisialdigunea izango da. Hori martxan jartzeko, lokal bat egokitu du Udalak Maalako errebalean, Okendo jauregiaren beheko solairuan, hain zuzen ere. Bertaratzen diren ume zein gurasoek oinarrizko elementuak aurkituko dituzte: denda kanpainak, txabolak, egurrezko dorrea, koltxonetak eta mahaiak, besteak beste. Horiek, gainera, Arrasateko saltokietan erosi dituzte. Norberak etxetik ekarri ditzake margoak eta koardernoak, bertan ez baita horrelako materialik egongo.
Arauak
Erabilera egokirako arau hauek zehaztu dituzte: gunea garbi mantentzea, koltxoneta gainean ibiltzeko zapatak kentzea eta joan aurretik dena txukun uztea.
Kostea
Udalak, lokala egokitzeko 21.845 euro ordaindu ditu eta ekipamendurako, berriz, 8.048 euro.