'Belarriprest' izatetik 'Ahobizi' izateko jauzia, txokolate beroak lagunduta

Euskararen Egunaren baitan txokolatada eta mintzodromoa egin dituzte Arrasateko Udal Euskaltegian, eta bi matrikularen eta bi diskoren zozketa ere egin dituzte. Arratsaldean, Herriko Plazan egingo den festan parte hartuko dute "mingainak astintzen jarraitzeko". 

Hala azaldu dute Euskaltegiko arduradunek, nola pasa duten goiza:

"Gaur, Euskararen eguna dela-eta, txokolatada, mintzodromoa, bi matrikularen zozketa eta bi diskaren zozketa egin dugu goizean Udal Euskaltegian. Txokolate goxoak lagunduta, Belarriprest guztiak Ahobizi bihurtu dira. Bihartik aurrera ere, gure herriko kaleetan, Ahobizi gehiago izango direlakoan gaude. Arratsaldean, berriz, hitzordua daukagu Herriko plazan, eta jarraituko dugu mingainak astintzen!!"

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.