Arrasate errugbi taldekoek ez dute liga nahi moduan hasi. Sufritu egin beharko zutela bazekiten, baina ez horrenbeste. Lehiak galtzeaz gain, hainbat jokalariren bajak izan dituzte. Horrek guztiorrek asko zaildu du denboraldi hasiera. Bada, atzoko garaipenarekin, egoera beste modu batera ikustera aukera izango dute. "Hurrengoa Bera Bera B taldearen kontra jokatuko dugu, eta hori ere irabazi beharreko lehia izango da", esan dute.
Mailari eustea da ART-k duen helburu nagusi eta bakarra, eta hori lortzeko, badaude irabazi beharrezko partidu batzuk. "Oraingoan 20 jokalarirekin egin diogu aurre partiduari. Bik min hartu dute, baina, gai izan gara lehiari aurre egiteko. Parekatua eta gogorra izan da. Eta, pozik gaude horregatik", dio Isasik.