Balorazio positiboa
Oñatin harrera ona izan zuen antzezlanak eta gaurkoan ere balorazio positiboa egin du, Vene Herrero, antzezlaneko zuzendariak. Hurrengo hitzorduetarako gogoekin daudela ere aitortu du.
Eusko Ikaskuntzaren mendeurrena
Orain bi urte, Jose Mari Velez de Mendizabalekin harremanetan jarri zen erakundea, honek obra idatzi zezan. Ondoren, Velez de Mendizabalek Doke-ren atea jo zuen lana agertokietara eramateko asmoz. Gauzak horrela, lan honek Eusko Ikaskuntzaren ehun urteen kontaketa egiten du.
Eskena bereziak, bideoak eta musika
Obraren zuzendaria den Vene Herrerok adierazi du "antzezlana dokumental bat balitz bezala planteatu dugu". Hala, eskena bereziak eta bideoak gehitu dituzte. Musika ez da falta izan eta garaian garaiko musika esanguratsuarekin jantzi dute antzezlana.
Hurrengo hitzorduak
Abenduaren 16an Aramaion eskainiko dute emanaldia eta Iruñean, Donostian eta Gasteizen ere egongo dira aurrerago.