Hona hemen Jaikiko kideek prentsara igorri duten oharra bere osotasunean.
"40 urte beteko dira 2018ko abenduan, Espainiar Estatuaren mertzenarioek Jose Miguel Beñaran Argala hil zutela, Euskadi Ta Askatasuneko gudari eta ideologo handia. Euskal Herri langilearen askapen borrokarako erreferente izan zen, eta antolakuntza eta borrokaren garrantzia azpimarratuz, Euskal Herri
Sozialista eraikitzearen apustu nekaezina pertsonifikatzen du Argalak. Hain zuzen ere, erabakimen irmo hori suntsitu nahian erail zuten. Gure eskuetan dago, ordea, etsaiaren kolpeak alferrikako bihurtzea, belaunaldiz belaunaldi erasoen gainetik antolakuntzari eta borrokari lotuz, Euskal Herri Sozialista lortu arte. Beraz, Argalaren ereduari jarraituz, bidean aurkituko dugu elkar, atzo, gaur eta bihar.
Horren guztiaren harira, Jaikik hainbat ekimen burutuko ditu abenduan zehar:
- Abenduaren 6an, goizeko 11:30etan, Iñaki Gil de San Vicente izango da gaztetxean, Argalaren ekarpenen gaurkotasunari buruzko hitzaldia eskaintzen.
- Abenduaren 9an, arratsaldeko 18:00etan, Gillo Pontecorvo zuzendariaren Operación Ogro pelikula ikusteko aukera egongo da gaztetxean, eta gero solasaldi bat egingo dugu.
- Abenduaren 19an, mural margoketa egingo dugu, Argala-ren omenez.