Ertzaintzatik gaineratu dute laster egingo diotela autopsia heriotzaren arrazoiak zeintzuk izan ziren jakiteko; era berean, Ertzaintzak sare sozialen bidez ere konfirmatu du hilotza joan den domekan desagertutako arrantzalearena dela eta "dolumin bizienak" helarazi gura dizkie senitartekoei eta lagunei.
Astebetera itzuli du itsasoak
Itsasoan ematen diren desagerpenekin eskarmentu handia duten adituen arabera, ohikoa da itotzen diren gorpuak zazpi egunen bueltan gainazalera irtetea. Arrazoiak fisikoak dira; hau da, zazpigarren eta bederatzigarren egunen artean –gorputzaren, arropen eta uraren tenperaturaren arabera, besteak beste–, deskonposizioak sortzen duen gas metanoak gainazalera ateratzen du gorpua.
