Autodefentsa Feminista Tailerra
Arrasateko Ekamume Txokoak eta Jabetze Eskolak antolatuta, Autodefentsa Feminista Tailerra eskainiko da, azaroaren 24ean, Emakumeen Txokoan. Egun osoko tailerra izango da: goizean 10:00etatik 14:00etara eta arratsaldean, berriz, 15:30etatik 19:30etara. Tailer hau Emaginek emango du eta helburua, indarkeria sexistari buruz esperientziak eta bizipenak partekatzea izango da. Beldurrei zein emozioez hitz egiteko tartea ere egongo da eta indarkeria sexista indentifikatzeko bide batzuk eskainiko dira.
Manifestazioa
Domekan, Indarkeria Matxistaren Kontrako Nazioarteko Eguna izanik, Arrasateko mugimendu feministek manifestazioa deitu dute. 19:00etan emango zaio hasiera, Sebero Altube plazan.
Liburuaren aurkezpena
Azaroaren 28an, Arantxa Iraola eta Maite Asensiok idatzitako Alardeak, ukatutako plazara liburuaren aurkezpena egingo da Kulturateko Areto Nagusian, 19:00etan.