Hainbat ekitaldi Santa Zezilia egunaren baitan

Bihar Santa Zezilia eguna ospatuko da, musikarien eguna, alegia. Hala, Arrasate Musikalek hainbat ekintza antolatu ditu astebururako. 

Egubakoitzean

Arrasate Musikaleko Banda Gazteko kideek, kalejira burutuko dute herriko kaleetan zehar, 17:30etatik aurrera. Ondoren txokolatada eskainiko da herriko plazan eta Arrasate Musikaleko Gaiteroek pieza batzuk interpretatuko dituzte. 

Zapatuan

11:30etatik 13:30era bitartean, Arrasateko Musikaleko Big Band taldeak kalejira eskainiko du herriko kaleetan zehar, Ibai Arteren eskutik. 

Igandean

11:30etan emango diote hasiera kalejirari eta 12:30etan Santa Zezilia kontzertua hasiko da San Frantzisko elizan. Antolakuntzatik adierazi dute, eguraldi ona egiten badu kontzertua Sebero Altube Plazan izango dela. 

 

 
 

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.