Makatzena kalearen kasuan, 10:00etatik 16:00ak arte moztuko dute, irudian gorriz ageri den errepide tartean. Makatzenako igogailuko lanen eraginez moztuko dute, eta Herribusa ezin izango da goraino igo.
Jose Luis Iñarra kalean ostegunean eta ostiralean egingo dute mozketa, 14. eta 16. atarien artean. Etxe horietako teilatuetan egingo dituzten lanen eraginez egingo dituzte, eta herribusa ezin izango da bertatik pasa. Trafiko mozketaren berri emateko seinaleak jarriko dituzte San Frantzisko elizako biribilgunean, eta Obenerrekako bidegurutzean.
Ospitalean, aparkaleku gutxiago
Abenduaren 3tik 5era bitartean ospitale ondoko 40 eta 50 aparkaleku artean ez dira erabilgarri egongo. Ospitale ondoan dagoen elektrizitate dorrea lurperatzeko lanen eraginez izango da hori, eta egun horietan garraio publikoak erabiltzeko deia egin dute Udaletik.