Atzoko ekintzekin batera, Ibai-Arteren Kultura? Nik Arrasaten egitasmoaren barruan, zenbait kultura ekintza ikusteko sarrerak banatuko dituzte herriko komertzioetan hilaren 30era bitartean, Arrasate txartela erabiltzen dutenen artean. Hori horrela, atzo, Luisa Fernanda Zarzuela ikusteko zortzi sarrera bikoitz banatu zituzten.
Azaroaren 30era arte bitartean, beste kultura ekintza hauek ikusteko sarrerak ere zozketatuko dira. 25 sarrera bikoitz, Doke antzerki taldearen Hamaika amaren seme (alaba) antzerkia, 25 sarrera bikoitz, Erlauntza antzezlana ikusteko, eta 30 sarrera bikoitz zinemarako.
Hurrengo ekintzak
Hilaren 23an, Sara Alonso abeslariak emanaldia eskainiko du, 19:00etan, Herriko Plazan. Eta hilaren 24an, zapatua, Arrasateko Musikaleko Big Banda herriko kaleetan zehar arituko da, 11:30etik aurrera.
24.000 euro erosketa-txarteletan
Aipatutako guztiaz gain, hilaren 15etik 30era herriko dendetan erosketak egiten dituztenen artean –Arrasate txartelarekin, edo txartelik gabe– 24.000 euro banatuko dituzte erosketa-txarteletan. 5 eurokoak edo 10ekoak izango dira, eta abenduaren 1etik 15era bitartean egiten dituzten hurrengo erosketan aplikatu ahalko dira. Ibai-Arteko ekintzetan parte hartzeko, deitu 943 79 30 90 telefonora.