Joan den astean, plaza horretako jolas parkeko lanak geldi zeudela salatu zuen irakurle batek. Lan horiek Altuna y Uria enpresari esleitu zitzaizkion, eta, hasiera batean, urriaren 27an amaitzea zen enpresak eta Udalak aurreikusten zutena.
Baina estalpearen hornikuntzan izandako atzerapen batengatik, lanak amaitzeko epea abenduaren 20ra luzatzea eskatu du enpresak.
Auzoko bizilagunengan izan ditzakeen eraginen inguruan, zera adierazi du Udal Gobernuak: "Sentitzen dugu erabiltzaileei dakarkien eragozpena. Dena den, Udalaren kudeaketatik kanpo dagoen arrazoia du oinarrian atzerapen honek".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.