Alkategaia eta zerrendako hautagaiak aukeratzeko prozesuan murgilduta dago EH Bildu

Argazkia: EH Bildu Arrasate

2019rako Udal hauteskundeetara begira, alkategaia eta zerrendakideak aukeratzeko prozesua martxan dute. Bertan izena emateko, 644 29 85 87 Whatsapp zenbakia,  Elkarrekin.ehbildu.eus ataria eta arrasate@ehbildu.eus helbide elektroniko jarri dituzte eskuragarri.

Hona hemen, prozesuarekin lotuta, Arrasateko EH Bilduk helarazi nahi izan duen mezua:

"Arrasateko EH BILDUko kideok martxan gaude 2019ko udal hauteskundeetan jarrita helmuga. Ilusioz eta gogotsu ekin diogu lanari, Arrasate biziberrituko duen herri proiektu berria eskaintzeko asmoz. Horretarako gai garelako.

Baina bidea ez dugu bakarrik egin nahi. Gure alkategaiaren aukeraketa, berekin batera aurkeztuko direnen zerrenda, udal programa… EH BILDUrengandik gertu sentitzen zareten guztiokin adostu nahi ditugu. Alegia, zuekin batera erabaki Arrasaterentzat nahi dugun etorkizuna.

Prozesu bat ireki dugu zuen parte hartzea errazte aldera. Baina horretarako beharrezkoa da prozesuan izena ematea. Gonbidapen zuzena egiten dizuegu, hortaz. Eman izena, eman iritzia eta izan eragina Arrasateren etorkizunean".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.