Euskaraldia hasteko sei egunen falta direla ohartarazteko Biziprest eguna ospatuko da zapatuan. Eguaztenean lau hizlaridun mahai ingurua izango da Kulturateko areto nagusian, AEDk sorreratik gaur egunera arte izan duen ibilbideari buruz. Ez ahaztu, bihar, osteguna, triki bertso poteoa izango dela. Hitzordua: Iratin tabernan, 19:30ean.
Honako hau da zapaturako egitaraua:
- 12:00etan: bizikleta martxa herriko kaleetan zehar
- 12:00etatik 14:00etara: Ahobizi eta Belarriprest tronkomobilean auzoz auzo –San Andres, Arimazubi, Musakola eta Herriko Plazatik pasako dira–.
- 12:00etatik 14:30era: Herriko Plazan Biziprest festa ospatuko da. Txosna, txapa banaketarako gunea, photocall-a, eta abar egongo dira.
- 12:00etatik 13:00etara: txikientzako ipuin kontaketa egongo da Herriko Plazan.
- 13:00etatik 14:30era: DJa.
AEDren ibilbidea
Azaroaren 21ean, AED: sorreratik Euskaraldira mahai-ingurua egingo dute, Joxe Mari Muxika AEDko presidente ohiak, Jasone Mendizabal Topaguneko zuzendariak, Ane Zuazubiskar kazetariak eta Oskar Elizburu AEK-ko irakasleak. Hitzordua 18:30ean da, Kulturaten.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
