Horretarako Arantza Santesteban aditua etorriko da trebakuntza saio bat eskaintzera; azaroaren 21ean, izango da hori Kulturaten (15:00-16:30). "Zelan landu produktu bakoitzaren salmenta bezeroentzat? Zelan erakutsi emakumeen eta gizonen gorputzak? Zer produktu da emakumearentzat eta zer produktu gizonarentzat?" Halako zalantzen gaineko argibideak emango ditu Santestebanek, bereziki Gabonetako kanpainari begira.
Horrez gain, telefono bidezko aholkularitza ere eskainiko du Emagin elkarteak edozein zalantza, gomendio edo esku hartze behar duenarendako. Azaroaren 5etik abenduaren 31ra bitartean izango da hori; ordutegia: 10:00-14:00 eta 16:30-20:00 (astelehenetik egubakoitzera).
Arrasateko merkatari guztiei eskainiko diete zerbitzua. Eta izena emateko epea zabalik dago azaroaren 19ra arte; Emakume Txokora jo behar da.