Euskadiko eta Gipuzkoako Kenpo txapelketan, infantilen judo lehiaketan eta autodefentsa feminista tailerrean parte hartu dute Arrasate Borroka Arte Eskolako kideek. Aipatzea, Edurne Muruak zilarrezko domina eskuratu zuela Euskadiko eta Gipuzkoako kata mailan, eta Haritz Arregik, aldiz, brontzea 72 kilotik gorako borroka mailan.
Kenpo txapelketa Oiartzunen jokatu zuten, eta infantilen judo lehiaketa, aldiz, Eibarren.
Asteburu honetan ere Autodefentsa tailerretan sakontzen jarraitu dute. Antolatzaileen arabera "beste tailer batzuetan baino parte hartzaile gutxiago" izan dute, baina "pozik" daude tailerrak izan duen emankortasun maila ikusita.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.