Gaur, egubakoitza, eskainiko dute musika ikuskizuna Kulturaten, 18:00etan.
Jostailu tresnak
Kantuan eta kontuan ibiliko dira bartzelonarrak Enaren kontuak emanaldian. Pilarik gabeko jostailu tresnak erabiltzen dituzte pop estetika minimalista duen musika sortzeko eta poesia letra burutsuak dituzten abestiak interpretatzeko. Horrez gainera, printzesa bizardunaren ahotsa izango da gidari. Doinu itsasgarriak eskainiko dituzte. Letra jostagarriak eta ulertzen errazak direnak, moralismorik gabeak eta ukitu ironikoekin.
Uxue Alberdiren laguntza
Helena Casas musikariak eta Marc Marce soinu teknikariak osatzen dute proiektu berezia. Aurrez katalanez argitaratutako lan baten euskarazko egokitzapena da; Uxue Alberdi idazleak euskaratu ditu hitzak.