"Bi urtetik behin, RIPeko kideak eta bidean galdutako garaiko lagunak gogoratu eta bizirik gaudela lagun artean ospatzeko kontzertua antolatu ohi dugu", azaldu dute. Hala, beti bezala, lagun artean ospatuko dute eguna gaztetxean.Kontzertuan, hainbat talde igoko dira taula gainera: Desorden –Portugaleteko punk talde gaztea–; Batec –punk-rocka egiten duten kataluniarrek Cicatrius de guerra disko berria aurkeztuko dute–; Piztupunk –punk-rock kantu berriak aurkeztuko dituzte gasteiztarrek–; eta Arrasateko musikari beteranoek osatutako TxeRIPkumeak taldea. Punka oraindik bizirik dagoela erakutsiko dute biharko saioan. Kontzertuetarako sarrera 5 euro kostako da.