Arrasate Enduro proba, ikusgarri beste behin

Markel Uriarte aretxabaletarra eta Onintza Muruaga izan dira onenak Arrasateko enduro txapelketan. Parte hartzaileek ezkutuan gorde dituzten tramuak "ikusgarriak eta ederrak" izan direla azpimarratu dute

Iazko egun euritsuarekin alderatuta eguzkia eta lokatzik gabeko tramuak aurkitu dituzte aurten Arrasate Enduro proban parte hartu duten ryderrek. Antolatzaileek urtero ezkutuan gordetzen dituzte hainbat tramu, eta gaurkoan ere, "gozatua" izan dira tramu horiek parte hartzaileek adierazi duten moduan.

Txapelketari dagokionez, gizonezkoetan, Aretxabaletako Markel Uriartek eskuratu du denborarik onena, Beñat Seminarioren eta Juanjo Esnaolaren aurretik. Orbea taldeko debagoiendarra "oso gustura" aurkitu da aurten –iaz zulatu batek podiumeko goreneko posturik kanpo utzi zuen–, nahiz eta hasieran erorikoak ere izan dituen. Uriartek, Adiran Juradorendako hitzak ere izan ditu proba irabazi ostean, izan ere, enduroko gorenean dabilen debagoiendarrak lesio larria du, eta ezin izan du gaurko proban parte hartu.

Emakumezkoen lehia polita izan da ere. Iaz garaipena eskuratu zuen Onintza Muruagak lau segundoko aldea atera dio Miriam Serrari, eta bigarren urtez igo da podiumeko gorenera. Muruagak, aurten "lehia estuagoa eta maila altuagoa" izan dela nabarmendu du. Hirugarren postua Patrizia Tomek lortu du. Tomeren bigarren lehiaketa izan da, beraz "oso pozik" azaldu da ryderra hirugarren postua eskuratuta.

 

Sailkapenak:

Elite Maila gizonak:

1- Markel Uriarte  18:28:13

2- Beñat Seminario  18:54:52

3- Jose Antonio Diez  19:18:13

 

Elite Maila emakumeak:

1- Onintza Muruaga  25:40:74

2- Miriam Serra  25:44:58

3- Patrizia Tome  26:07:79

 

Master 30:

1- Juanjo Esnaola  19:05:41

2- Gaizka Juaristi  19:27:19

3- Txomin De Vega  19:27:93

 

Master 40:

1- Francois Delavault  20:33:72

2- Ibai Korta 20:38:36

3- Zigor Urain  21:15:74

 

23 urte azpikoak:

1- Haritz Ibabe  20:14:44

2- Julen Urdin 21:00:59

3- Julen Urreta 21:09:76

Erlazionatuak

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.