Familia giroan aurkeztu dute ‘Larga vida a RIP’

RIP taldearen historiaren gaineko liburu-fanzinea aurkeztu dute Arrasateko gaztetxean. Orduko hainbat protagonista elkartu dira mahai-inguru interesgarri bat egiteko. Txerra Bolinaga, Judith Uriach eta Nando Alonso, azken biak, Silencio Toxico fanzinearen egileak izan dira hasiera baten protagonistak, baina pixkanaka, hainbatek parte hartu dute solasaldian.

Mimoz eta maitasunez egindako liburua dela azpimarratu dute behin eta berriz; protagonistek esan bezala betiko bitxikerietatik haratago doan kontakizuna egin dute Silencio Toxico-ko kideek. Liburuan, urte guzti horietan taldearen inguruan egondako lagunen bizipenak jaso dituzte; hainbaten esanetan, RIP taldearen mitoaren haratago, pertsonak zirela orduko mugimenduari balioa eman zietenak. Egileek ere azpimarratu nahi izan dute hasieratik izan duten harrera ona izan dela. Asko eskertu dute egileek izandako laguntza, eta beste hainbatek, RIP taldeari buruzko horrelako dokumentu bati forma ematea, “horrelako liburu bat egiteko ordua zelako”.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.