Autodefentsa tailer "arrakastatsua" egin dute Arrasaten

Saioa gimnasioan elkartu dira hainbat emakume, Arrasate Borroka Arte Eskolak antolaturiko autodefentsa feminista ikastaroan parte hartzeko. Bi ordu inguru, teknika ezberdinak ikasten ibili dira, irakasle adituen eskutik.

Gutxi gorabehera 42 emakume batu dira ikastaroan, eta 3 irakasle izan dituzte azalpenak ematen. Horien artean Julio Gallego: "Oso ondo joan da ikastaroa, eta gehiago antolatzen jarraitzeko indarrak eman dizkigute bertaratu direnek. Norbere defentsaren garrantzia azpimarratzen jarraitu nahi dugu, eta horretarako bi ordu ez dira nahikoa. Hori dela eta saio gehiago antolatuko ditugu".

Adin ezberdinetako ikasleak izan dituztela ere nabarmendu du Gallegok: "60 urtetik gorako emakume ugari etorri dira. Gainera, Maria Ubarretxena alkatea ere etorri da, eta guretako garrantzitsua izan da, ea honi bultzada eman ahal diogun".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.