Auto klasikoen xarma, solidaritatearen alde

Xabi Gorostidi 2018ko ira. 23a, 11:07

Iazko lehen edizioaren ondoren Red Dragons taldekoek bigarrenez antolatu zuten atzo Auto Klasikoen Topaketa Solidarioa. Jaguar MK2, Seat 600, Triumph TR7 edo Renault R5 bezalako harribitxiak gertutik ikusteko aukera izan zen, eta antolatzaileak behartsuentzako janari ez iraunkorrak batzen ahalegindu ziren. 

Atzokoan 33 ibilgailu erakartzea lortu zuten –auto eta motorren artean– eta ondoren 70 lagun inguru batu ziren bazkaltzeko. Laubiden bertan, autoak erakusteaz gain, katuen alde lan egiten duen Kaonbi taldeak bere postutxoa jarri zuen, herritarrei euren elkartearen berri emateko. 

Antolatzaileak pozik azaldu ziren, kanpotik etorritako lagun asko erakartzea lortu zutelako. "Batzuk Kantabriako Colindres eta Oriñon herrietatik etorri dira. Gehienak bailarako herritatik datoz, baina badaude Ermuatik, Mallabiatik, Zumaiatik eta Gasteiztik etorri diren lagunak ere". 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak