Aretoa beteta Kubako emakumeek egindako lorpenak jasotzen dituen ikus-entzunezkoa ikusteko

Dokumentala ikusi ostean Maria Torrellas solasaldian bertaratu direnekin.

Pottogorriak, Emakumeen Mundu Martxa eta Askapenak taldeek gonbidatuta Cubanas: Mujeres en revolucion izeneko ikus-entzunezkoa aurkeztu du Arrasateko Irati tabernan Maria Torrellas kazetariak. "Bizimodu oso xumea dute, baina kultura, gizatasun eta balore oso handiak dituzte. Oso argi dute kolektiboaren garrantzia eta ez dagoela lorpenik nekerik gabe", esan du Torrellas-ek.

 

Kubako iraultzaren testuinguruan emakumeek egindako lana eta eskuratutako lorpenak ditu oinarrian 92 minutuko ikus-entzunezkoak. Hala, emakume kubatarrek bizitzako esparru ezberdinetan bizi duten errealitatea islatzen da bertan horrek suposatu dien ahalegina eta konpromisoa agerian utziz. Torrelas-ek uste du beste mundu bat posible dela eta alde handiak daudela Kubako emakumeen eta munduko gainerako emakumeen artean; izan ere, lorpen handiak egin dituztela adierazten du.

Ikus-entzunezkoak testigantza ugari jasotzen ditu eta esparru oso zabaleko emakumeek ematen dituzten. "Bizimodu oso xumea duten emakumeak dira, baina kultura handiko pertsonak dira eta gizatasun eta balore oso handikoak", esan du egileak. "Oso argi dute kolektiboaren garrantzia eta ez dagoela lorpenik nekerik gabe". Gaineratu du kapitalismoak komunitatearen edo kolektiboaren suntsipena bilatzen duela, eta munduak baduela horri aurre egiteko nora begiratu; izan ere, Kubako iraultzak 60 urte dirau martxan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.