Hona hemen EH bilduren oharra bere osotasunean:
"Prentsa ohar honen bidez Arrasateko EH BILDUk salatu nahi du EAJ eta PSOE alderdiek duten
utzikeria herriko komertzioari eta azokari dagokionean.
Azokarekin kudeaketa negargarria egiten ari dira. Aurreko legealdiko egitasmoa saboteatu zuten,
larunbatetan azoka alternatibo bat muntatu zuten porrot izugarri bat eskuratuz eta orain geldi-geldi da dena. Azokak merezi du egitasmo erakargarri bat bizi dadin, kontsumo osasuntsu, gertuko eta jasangarria delako. EH BILDU ziur egon da EAJk ez duela azokarik nahi eta orain ziur dago PSOEk ere ez duela inolako asmorik.
Herriko komertzioarekin ere gauza berri gutxi. Iazko udazkenean hainbat neurri aurkeztu zituen EH BILDUk arazo estrukturalei aurre egiteko. Hala nola lokal falta, belaunaldi erreleboa, erosketa ohitura berrien erronka... Egin den plana gainera auzoetara zabaltzea eskatu genuen, bertako komertzioak errealitate propioa duelako. Ez dugu erantzunik jaso.
Utzikeria honen aurrean, EH BILDUk azokaren egoerari buruzko galdera egingo du OZMA batzordean eta komertzio neurriak planteatuko ditu plenoan".
