Parte hartze ordenantzari forma emateko, herritarrekin bi bilera egingo dira

Herritarren parte hartzea bermatu, sistematizatu eta arautuko duen ordenantza prestatzeko prozesua abian da, udalbatzako alderdi politiko guztien babesarekin. Herritarrei hitza ematea helburu izanda, hauekin batera diseinatuko dute, eta horretarako bi bilera egingo dira: irailaren 26an eta urriaren 10ean.

Batzar parte hartzaile horiek Kulturateko Loramendi gelan egingo dituzte, 18:00etan, eta EMUN enpresak dinamizatuko ditu.

Izena ematea, derrigorrezkoa

Bilera ahalik eta eraginkorrenak izateko, parte hartzaile kopurua aldez aurretik jakitea lagungarri izango da antolatzaileentzat. Izen emate epea gaurtik irailaren 19ra arte egongo da zabalik, eta interesa duten herritarrek eta eragileek BAZera joan beharko dute.

Gutxieneko parte hartzaile kopurua bermatzeko, eta adin eta sexu aniztasuna ziurtatzeko, 18 urtetik gorako herritarren artean zozketa egingo da bihar, eta 14 pertsonek prozesuan parte hartzeko zuzeneko gonbidapena jasoko dute.

Ekimenaren bultzatzaileen nahia da, prozesuan ahalik eta jende gehienek parte hartzea, "elkarrekin parte hartzea nola sustatu eta etorkizunera begira bidea elkarrekin nola jorratu lantzeko".

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.