MUren garaipen borobila Euskal Kopa hasteko: 80-50

Mireia Bikuña 2018ko ira. 9a, 13:55

EBA ligarako motorrak berotzen jarraitzen du Iñaki Ogararen taldeak, eta hasieratik bukaerara menderatu du Easoren kontrako norgehiagoka. Lehen laurdenetik hartu dute 15 puntuko aldea, eta bukaerara arte mantendu dute.

Lehenengo minututik erakutsi du MUk irabazteko grina. Erasora irten da, eta jaurtiketatan asmatu du. Easok huts gehiegi egin ditu, eta 15 puntuko aldea zabaldu dute arrasatearrek. Bigarren laurdenean, egoera apur bat aldatu da. Paperak aldatu egin dira. Easo fin ibili da erasoan eta defentsan; eta MU ez horrenbeste. Hori horrela, atsedenean, 35-26 erakusten zuen markagailuak.

Atsedenetik  bueltan, martxa bat gehiago sartu diote arrasatearrek lehiari, eta abantaila handitzen joan dira, apurka-apurka. Gehienez ere 22 puntuko abantaila lortu dute hirugarren laurdenean.

Laugarrenean jokoari eustearekin nahiko izan dute lehia irabazteko.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak