Ertzaintzak jakinarazi duenez, 20 urteko gizonezko bat atxilotu zuten atzo, asteazkena, substantzia estupefazienteekin trafikatzea egotzita. Agenteek ostalaritza-lokal bateko terraza batean droga banatzen ari zenean atzeman zuten atxilotua, eta 11 marihuana-poltsa eta eskudirua atzeman zizkioten.
Atxilotuak polizia-aurrekariak dituela jakinarazi du Ertzaintzak. Atzoko atxiloketa unean, marihuanaz gain, ustez substantzien salmentarekin lortutako 355 euro atzeman zizkion Ertzaintzak. Atxilotuta Ertzaintzaren bulegoetara eraman ostean, epailearen esku geratu zen.
Arrasaten, substantzia estupefazienteen kontsumoa eta salmenta kontrolatzeko ezarritako operazioan egin du atxiloketa Ertzaintzak. Adierazi dutenez, herrian substantzia estupefazienteekin trafikatzen zuten susmagarri batzuk zelatatu eta jarraitu dituzte operazio horretan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak