EBA txapelketa hasi bitartean, irailean, Mondragon Unibertsitatea Euskal Kopan murgilduta egongo da. Guztira bost jardunaldi jokatuko dituzte, eta Ordizia, Santurtzi, Easo, Goierri, Iparragarri 2020 eta Mondragon Unibertsitatea izango dira zein baino zein gehiago.
Bada, asteburuan lehenengo jardunaldiko partiduak Iturripen eta Ordizian jokatuko dituzte. Zapatu arratsaldean jokatuko dute arrasatearrek, 18:00etan, eta Easo izango dute aurrean. Bada, Ointxe! berria bertatik bertara ikusteko aukera izango da; besteak beste, kantxan izango da Zach Kirschbaum jokalari amerikar berria.
