Zach Kirschbaum amerikarraren etorrerarekin osatu du taldea Ointxe!-k

Gaur goizean iritsi da Zach Kirschbaum iparramerikarra Arrasatera, Ointxe!-ren azken fitxaketa. Proba medikua pasatu berri du Athlonen, eta entrenatzen hasteko gogotsu dago. Hala, EBA mailan jokatuko duen taldea osatutzat eman du Ointxe!-k.

Oregon estatutik etorri da Kirschbaum; 25 urte ditu eta 2,06 metro neurtzen ditu. Taldea indartzera etorri da baina ez da Ointxe!-k egin duen fitxaketa bakarra; izan ere Gasteiztik hiru jokalari etorri dira. Entrenatzaile lanetan, ostera, Iñaki Ogara Ortiz de Arrik jarraituko du.
 
Hona hemen EBA mailan jardungo duen taldeko kideak:
 
Entrenatzailea: Arri

Entrenatzaile laguntzaileak: Alex Suso eta Eneko Mata

Jokalariak (iaztik jarraitzen dutenak):
  • Mikel Arejolaleiba
  • Martxel Balanzategi
  • Andoni Atxa
  • Alex Lorenzo 
  • Oier Badiola (harrobitik igotako jokalari gaztea)
  • Aitzol Aretxaga (harrobitik igotako jokalari gaztea)
  • Guillermo Sedano
  • Simon Mancebo
  • Aitor Carrera 
Fitxaketak:
  • Markel Lopez
  • Martin Buesa
  • Dani Lorenzo
  • Zach Kirschbaum

Zapatuan Euskal Kopa

Osatu berri den taldea ezagutzeko aukera zapatuan izango dute zaleek. Euskal Kopari dagokion partidua jokatuko dute Easoren aurka Iturripen (18:30). Denboraldiari ekiteko gertu daude jokalariak eta zaleen aurrean aurkezteko gogotsu.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.