Bere esperientzia eta ezagutza baliatuz, azken urteetan klubak izan duen hazkundearekin jarraitzea izango da Romeroren lana eta, horretarako, "Xabier Etxebarria lehendakariaren eta zuzendaritza batzordearen konfiantza guztia dauka", klubeko iturrien arabera.
Josu Etxebarriaren lekukoa
Azken hiru urteetan, Josu Etxebarria izan da Mondrako Kirol zuzendaria, baina Eibar taldera egingo du salto, datorren denboraldira begira. "Arrasateko taldean egindako lan bikainaren isla da hori", Mondra Futbol Klubetik adierazi dutenez. Eskerrak eman dizkiote, "egindako lan bikainagatik", eta zorterik onena opa, Eibar taldean hasiko duen ibilbide berrian.