Arrasateko Monte tabernak 16.000 euro banatu ditu Tourreko porran

Lehenengo hamar saridunak, txekeekin, taberna kanpoan.

Angiolillo taldea izan da lehen sariduna, 6.684 euro eraman ditu; bigarrena, Bustito, 4.177 eurorekin; eta hirugarrena, Scarponi biba, 2.088 eurorekin. Arrasaten bertan geratu dira lehen bi sariak eta Gasteizera joan da hirugarrena. Atzo, eguena, egin zuten sari banaketa, iluntzean.

Tasio, Tantaka 2, Globulos verdes 2, Perikin II, Potxoteko orakulua, Hiru itzuliak eta Otxandiokuak izan dira hamargarren tokira arteko hurrengo saridunak. 557 zerrendak parte hartu dute, orotara.

Tabernako ugazabek azaldu dute ongi joan zela sari ematea eta pozik hitz egin dute porra berriz ere "herritartzeko" egindako ahaleginak fruituak ematen jarraitzen duelako: "Duela pare bat urte konturatu ginen porra handiegia egin zela, 1.200 zerrenda parte-hartzaile inguru izatera ailegatu ginen, eta sariak kanpora joaten ziren. Orain, aldiz, sari gehienak herrian bertan geratzen dira. Hori horrela izan dadin, garrantzitsua izan da Internet bidez izena emateko aukera kendu eta ezinbestean tabernara etorrita egin behar izatea".

Gaur egun, bi porra egiten dituzte Monten, Italiako Girokoa eta Frantziako Tourrekoa; bigarrena izaten da bietan handiena.

Lehenengo sariduna, tabernako ugazabekin.

Bigarren sariduna, tabernako ugazabekin.

Hirugarren sariduna, tabernako ugazabekin.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.