Hileroko baserritarren azoka egin dute gaur, zapatua, Seber Altube plazan; eskualdeko ekoizleen askotariko produktuak –letxugak, zarbak, lekak, arrautzak, gaztak... eta baita garaiko lehenengo tomateak ere– erosteko aukera izan da. Garaiko produktuez gainera, bestelako produktu bitxiagoak ere eraman dituzte Seber Altube plazara, horien artean, magnolia zuhaitzaren lorekin egindako likorea eskaini du Azpeitiko Mallubi Etxeak.
Horiek guztiak gainera, Debagoieneko txakolina ere protagonista izan da gaurko azokan; bertako txakolinaren ekoizpenari bultzada emateko helburuarekin gonbidatu dituzte Debagoieneko Mankomunitateko Turismo sailak eta Debagaraia Landa Garapeneko Elkarteak, Arrasateko Udalaren laguntzarekin, Arrasateko Otxia, eta Oñatiko Upain eta Murgialdai txakolindegiak. Eusko Labelen eskutik, hegaluze-pintxoak dastatzeko aukera ere izan da gaur.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
