Atzo hasi zuten Mondrako Futbol Campusa, eta 44 haurrekin hasi diren arren, datozen asteetan gehiago batuko direla aurreikusten dute antolatzaileek. Zortzigarren urtez antolatzen den ekimenaren oinarria futbola bada ere, denetarik egingo dutela adierazi du Josu Zubiak.
"Irteerak, frontoia erabiliko dugu hainbat jokoetarako, talde dinamikak landuko ditugu… Astero, balio ezberdin bat aukeratu eta hori landuko dugu. Aste honetan, emakumeen futbola izango dugu oinarri".
Aste honetako balioa lantzeko, gaur, Oihana Aldai, Realak fitxatu berri duen futbol jokalaria eta Emakumezkoen Leintz Arizmendi taldeko Andoni Ezkurra izan dira izan dira Mojategin, haurren galderak erantzuten.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.