Karate erakustaldia egin dute Saioa gimnasikoek Uarkape frontoian

Karateko kyokushinkai modalitateko erakustaldia egin dute Uarkape frontoian Saioa gimnasioko borrokalariek. Arte martzialaz gozatzeko aukera paregabea izan da; kata eta kumite erakustaldiak egin dituzte. Eta, amaitzeko, egurrezko taula zatiak apurtu dituzte kolpe bakarrarekin.

Kata erakustaldia egin dute lehenengo. Mailatan banatuta irten dira frontoira borrokalariak. Agurrak, eta karatean erabiltzen dituzten hainbat jarrera erakutsi dute. "Kirol bat baino gehiago da, bizitzeko modu bat da", horrela azaldu dute antolatzaileek karatea zer den.

Defentsa pertsonala

Ondoren, kumite erakustaldia egin dute –borrokak–. Karateak defentsa pertsonalean nola laguntzen duen erakusteko aukera izan dute, besteak beste.

Golpe bakarrarekin

Amaitzeko, egurrezko taula batzuk apurtu dituzte borrokalariek kolpe bakarra erabilita. Ikusleek txalo zaparradarekin agurtu dituzte borrokalariak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.