Ikasturte amaierako erakustaldia egin dute arrasateko gimnastek

Arrasate Dragoi Gimnasia taldekoek urte amaierako erakustaldia egin dute Uarkape frontoian. 5 eta 20 urte bitarteko 130 bat gimnasta elkartu ziren atzoko erakustaldian. Bakarka nahiz taldeka jardun zuten gimnasia egiten; eta, pilota, soka, uztaia, mazoa eta zinta erabili zuten. Ikusleek gustura hartu zuten Dragoi taldekoek erakutsitako abileziak.