Ikastolaren eguna ospatzen dihardute Arrasateko Biteri plazan

Arizmendi Ikastola ikasturte amaierako jaia ospatzen dabil gaur, barikua, Biteri plazan. Askotariko jolasak jarri dituzte gaztetxoek goza dezaten: puzgarriak, eskulanak, aurpegiak margotzeko gunea, sky-line... Horrez gain, taloak egiten dabiltza, eta baita ikastolako kamisetak saltzen ere.

Ekitaldi nagusiak arratsaldean egiten dabiltzan arren, goizean L.H.ko ikasleek ginkana egin dute Biteri plazan, eta Olarte guneko ikasleek tanborrada egin dute.

Jasan taldearen emanaldia

Arratsalderako, gainera, musika emanaldiak antolatu dituzte. Ikastolako ikasleek osatutako taldeek emanaldiak egingo dituzte, eta jaia amaituko dute ikastolako kideez osatutako Jasan taldearen emanaldiarekin.