Helburu solidariodun festa egin dute Erguineko Gazte Txokoan

Herriko gazte-txoko guztietan bigarren eskuko arropak eta bestelakoak pilatu ostean, lehen SoliFest jaia egin dute gaur arratsaldean. Erabiltzen ez dituzten produktuak eta jakiak jarri dituzte salgai bidezko merkataritzarekin lotutako proiektu bat laguntzeko. Ondoren, solidaritateari jai-giroa jartzeko zuzeneko musika eta dantza ez dira falta izan.

"Erguingo gazte-txokoko erabiltzaile baten ideia izan era honetako festa bat antolatzearena. Horretarako Arrasateko gazte-txoko guztietan bigarren eskuko erropen bilketa bat jarri genuen martxan" azaldu du Txatxilipurdiko dinamizatzaile batek.

Hasieran Itxaropena Plazan egitea zen antolatzaileen asmoa, baina 17:00ak aldera jausi diren euri tanten eraginez, gazte-txoko barruan burutu dute festa.

Arropen eta jakien salmentarekin batutako dirua bidezko merkataritza proiektu batera bideratuko dute, eta proiektu horren gidarietako baten bisita izan dute, diru hori zertan erabiliko den jakiteko.

Ondoren djembe erakustaldia gozatzeko aukera izan dute eta gazte-txokeroek diseinatutako Mugiru girgiluak izeneko dantza ere egin dute.

 

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.