Harremanen Elkartasun Eguna zapatuan, hogeigarren aldiz

Batutako dirua Mubaiko Ankur umezurtz-etxeko neskatilak laguntzeko erabiliko dute.

Txokolatada eta musika ez dira faltako, eta aurten telefono mugikor zaharren bilketa bat ere egingo dute. Hauek egiteko beharrezkoa den mineral bat Kongotik dator, eta negozio hori kontrolpean edukitzeko lehia armatuan 5 milioi pertsona hil dira 1998 urteaz geroztik.

Harreman GKEk urteroko festa egingo du bihar, Serso, AMS, Mundukide, etorkinen pastorala, Mugarik Gabeko Medikuak eta Alboan elkarteekin elkarlanean.

Mumbaiko Ankur umezurtz-etxean dauden 200 neskatilentzat dirua batzeko baliatuko dute batutakoa eta horretarako ezinbestekoa izango da tonbolan batutako dirua. Ibai-arteko komertzioen produktuak  zozketatuko dituzte, eta sari nagusia Eroski Bidaiak-en eskapadatxo bat izango da. Urtetik urtera  babesleek eman izan dieten laguntza eskertu nahi dute antolatzaileek.

Seber Altube izango da jaiaren erdigune. 11:00etan puzgarriak jarriko dituzte, eta jarraian trikitilarien musika entzun ahal izango da 11:30ean. 13:00etan Arrasate Musikalen Banda Gaztearen kontzertua hasiko da, eta 17:30ean, aldiz, DantzaFesta disko festa. 19:100etan Hans eta Pelloren emanaldia hasiko da, eta 20:30ean egingo dute Eroski Bidaiaken sariaren zozketa.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.