Pentsioen euskal sistemaren gaineko hitzaldia gaur Kulturaten

Mikel De La Fuente, erdian, Legebiltzarrean.

Mikel de la Fuente Euskal Herriko Unibertsitateko Lanaren eta Gizarte Segurantzaren Zuzenbideko irakasle ohiak pentsioen gaineko hitzaldia emango du gaur, eguaztena, Kulturaten, 19:00etan. Pentsioen euskal sistema izango du berbagai. Agirre Lehendakaria Center erakundeak antolatu du.

Azken hilabeteotan, erretiratuak mobilizazioetan dabiltza, pentsio duinak eskatuz. Etorkizunari begira, pertsona nagusien portzentajea handituz doan gizarte honetan, jokoan dago "pentsio duinak" bermatzea.

Erronka hauei aurre egiteko aukeren artean, esparru desberdinetatik, pentsioen euskal sistema sortzea proposatzen ari da. Baina,posible da? "Baditugu baliabideak horretarako?" Nola jar daiteke abian?...

Galdera hauek eta hauekin zerikusia duten beste batzuk argitzen saiatuko da Mikel de la Fuente gaurko hitzaldian.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.