Maria Ubarretxenak eta Imanol Lasak Europar proiektuei buruzko agerraldia egin dute

Imanol Lasa eta Maria Ubarretxena prentsaurrekoan. (Argazkia: GFA)

Otsailean eman zen jakitera Arrasateko Udalak 573.000 euro jasoko dituela Europar Batasunetik GazteLan garatzeko. Hori dela-eta, Imanol Lasak, Gobernantzako eta Gizartearekiko Komunikazioko diputatua, eta Maria Ubarretxenak, Arrasateko alkateak prentsaurrekoa eskaini dute.

Foru Aldundiak Europako Proiektuen Bulegoa edo leihatila europarra zabaldu du tokiko erakundeentzat. Arrasatekoa da zerbitzu horren bidez, Europar Batasunaren laguntza erabiliko duen Gipuzkoako lehen udaletako bat. Errenteriak eta Eibarrek ere jaso dute aipatutako laguntza.

Gipuzkoako diputaziotik azaldu dutenez, leihatila europarraren bidez, proiektuak finantzatzeko (programak, funtsak,...) nahiz Europako beste lurraldeetako udalerri eta eskualdeekin aliantzak egiteko dauden aukerei,bideei eta erronkei buruzko informazioa eta aholkularitza eskaintzen die Aldundiak udal eta eskualdeei.

Europako Gizarte Funtsaren 2017ko laguntzen bigarren deialdira aurkeztu zuen Arrasateko Udalak Gaztelan proiektua. Proiektua onartua izan da, eta 572.989,28 euroko laguntza jasoko du Europatik. Laguntza horiek aurreikusita daude Gazte Enplegurako Programa Operatiboan, gazteak lan merkatuan era jasangarrian integra daitezen bultzatzeko. Maria Ubarretxenak zehaztu duenez, gastua 623.560 eurokoa izango denez, finantzazioa %91,89koa da.

Ubarretxenak esan du, Udalarentzat "oso garrantzitsua" dela gazteen enplegua sustatzea: "Egitasmo honen eskutik, gure gazteei prestakuntza ekintzak, praktika profesionalak, orientazioa eta laguntza ekonomikoa eskaini ahal izango dizkiegu, sektore hauetara bideratuta: sistema elektromekanikoen muntaia eta konponketa, nekazaritza eta elikagai industria".

Erlazionatuak

Arrasateko Udalak 573.000 euro jasoko ditu GazteLan garatzeko

Arrasate

Gazte Enplegurako Plan Operatiboa garatzeko 572.989,28 euroko diru-laguntza eskuratu du Arrasateko Udalak. Lan merkatuan gazteen integrazio iraunko...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.