goiena.eus

Arrasateko Tailaginen Elkarteak 'Egurraren Lilura' erakusketa ireki du

  Kultura  Arrasate

Azken hamar urteetan landutako taila ikusgai egongo da Kulturateko klaustroan, atzo, egubakoitza, inauguratu zuten-eta ARTE taldearen erakusketa. Erakusketaren helburua elkartea bera eta tailuntza mundua ezagutzera ematea da, besteak beste.

Kulturaten, 2003an egin zuten ARTEko kideek lehen erakusketa, 2008an bigarrena, eta hamar urte geroago, hirugarrena, Egurraren Lilura izenpean.

"Arrasateko herriari elkartean zer egiten dugun erakustea da helburua, ze maila daukagun eta jendea animatu dadin gure elkartera hurbildu eta tailuntza mundua barrutik ezagutzera", azpimarratu zuen Imanol Barrenetxea-Arando ARTE elkarteko kideak.

Erakusketaren izenaren gainean, lilura hitza azpimarratu nahi izan dutela aipatu zuen Barrenetxea-Arandok: "Egurra beti ikusten dugu altzarietan, hormetan edo zuhaitzetan. Gu harago goaz, eta beste lilura bat ematen diogu egurrari. Azken finean, lilura egurrean dago. Egin behar den bakarra da soberan dagoena kendu".

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa