Bihar, zapatua, Arrasateko eta Leongo musika eskoletako big band taldeek kontzertua eskainiko dute Herriko Plazan, 20:00etan. Pasa den astean arrasatearrak egon ziren Leonen, eta oraingoan leondarrak datoz hona. Pasa den asteko kontzertu bera eskainiko dute bihar.
Arrasate Musikaleko big band taldea 24 musikariz osatua dago eta Leongoa, hamaseiz. Bestalde, astelehenean –maiatzak 7– Arrasateko eta Bergarako orkestra gazteek eskainiko dute kontzertua parrokian, 20:00etan. Aurrez, kalejira bat egingo dute Arrasateko kaleetan. Arrasateko musikariak 24 dira eta Bergarakoak, berriz, 40.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.