Horrela azaldu dute institututik, apirilaren 26an, Ikus-Entzunezko Kulturaren ikasgaian, Mendiorozek eskainitako hitzaldiaren nondik norakoak:
"Lehen zatian Handia filmean muntaia lanetik abiatuta, sortze prozesuaren urratsak eta lan eremuak azaldu ditu. Eguneroko lan aginduak, scriptak, gidoi lerroak, soinu gidoiak, postprodukzioa, eszenak eta digitalizazio prozesuak… azalpen teknikoak eta ereduak eman dizkigu.
Bigarren zati batean, pelikula batean, muntaiaren zeregina eta garrantzia azaldu digu. Alfred Hitchcock-en eskutik (grabazio bat bisualizatuz) maisuaren azalpen magistrala jaso dugu.
Bukatzeko ikus-entzunezkoen arloan kokatuta, lan anitzak ezagutu ditugu: dokumentala, animazioa, instalazioa… Ingek eginiko hainbat lan ikusi eta aztertu ditugu, eta guztiak berak osatutako iruzkinekin.
Batxilergoko ikasleek ikusmen eta jakin-mina handiarekin jarraitu dute hitzaldia, orain ikasitakoa beren ekoizpenetan aplikatzeko ordua da. Animo!"
